 |
Statens pris for attraktiv stad skal gå til ein kommune eller ein stad som har lukkast i å bli ein meir attraktiv stad å bu og leva. Prisen skal visa fram gode føredøme for andre og vinnaren får ut over heider og ære ei pengegåve på 250.000 kroner.
På Distriktssenteret sine sider kan du melda på heimplassen din.
I juryen sit leiar i Norges Bygdeungdomslag, Inger Johanne Sveen, saman med juryformann og førsteamanuensis Erling Dokk-Holm og landskapsarkitekt Siri Benjaminsen. Det var kommunalminister Liv Signe Navarsete som lanserte Statens pris for attraktiv stad hausten 2011. Fyrste tildeling vil skje i juni i år.
